أحلام مصرية
الموقع الشخصي للأديب المصري
ناصر البدري

 الرئيسية  بياناتي  دخول  خروج

تسجيل الدخول
استطلاع رأي
قيم موقعي
مجموع الردود: 17
إحصائية

المتواجدون الآن: 1
زوار: 1
مستخدمين: 0

غصب عني


غصب عني الحب كان غصب عني الحب ليه غصب عني وبمزاجك؟ هو أنتي يعني كنتي أجدع مني؟ ولا أنا بس اللي ديما بخيب قدام عنيكي وبضعف إيه يعني تمشي وتسبيني لوحدي؟ وازاي مخوفتيش علي القلب اللي متعلق في ديل بسمتك يسقط علي الإسفلت ويتفتفت في عز الليل وعز البرد وانت بتدوري وتمشي وبتبعدي وكأن عمري ما كنت واقف جنبك ولا كأنك شوفتي مرة عنيا وهي مفتوحين علي عنيكي علشان ما تقرى سورة الدم اللي نازف من حبابي القلب ما بين كفوفك انا خوفت خوفك وانت عمرك ليه ما خوفتي خوفي ولا شوفتي شوفي ايه يعني أفضل في الشوارع افتكر خطوتك معرفش ليه أمشي إلا وخيالك جنبي ؟ وليه مشوفش نور الصبح مبهج غير وانا بتخيللك وبشوف عنيكي وهي بتستخبي منه ومن عنيا هو دا كان إيه؟ خجل ولا عدم رغبة؟ البحر كان حاطط أيده علي كتفي وانتي بترمي فرحتي عالرمل إيه اللي خلى عالية تقدر تخون الهلالي فتبكي وهو بيبوسها وهي بتفتكر وش ابن غانم؟ طب ليه لما انت عمرك مرة ما حبتيني سبتيني اشرب من حبابي عيونك فرحة الدنيا طب ليه لما انت عمرك مرة ما حبتيني ميلتي مرة وشربتي من كفي كام ليل من الليالي المرة كنت اسهره علشان يكفي كام مرة كنت اعبر سبيلك بدون مرتوى كام مرة كان مفروض اموت مالعطش والهم والقلق والخوف كام يوم يدوم انتظاري ويطحني الوجع ويقتلني الحنين علشان ما تستكفي سبتيني ليه أشرب من عيونك حبتين الأمل دلوقت إيه العمل وانا قلبي جوايا لاعاش ولا مات إزاي أعيش دلوقت ازاي أعيش الوقت وانتي معلمتنيش غير اني احبك وبس ميلتي ليه وشربتي من كفي حسيت يوميها ان السما مطرت فراشات وسمعت صوت الدنيا بتغني نفسك في كفي كأنه روح ربنا بتسري في بدن آدم يومها اتولدت ومكنتش اعرف اني يومها حموت صوت العصافير من فوق غصون الشجر معلمنيش وقتها ان اللي جي رايح وانا كنت سارح ساعتها في جنة الملكوت نفسك في كفي لحد يوم القيامة حامت حمامة واحنا ماشين تحت أغصان الشجر نطيت لفوق علشان المس جناحها قولتيلي يومها بالراحة علي نفسك نفسي خرج مرجعش وفضلت اشهق في الليالي الصهد انا نفسي اعرف ليه مكنتيش زي ما انت زي ما حلمتك وزي ما عيونك قالتلي ازاي تروحي بعد ما تمدي ايدك وتاخدي قلبي من بين ضلوعي ازاي تروحي بعد ما تمدي عين وتسحبي من دمي روحي مين اللي بعدك يقدر يعالج جروحي القلب كان اضعف من الفتنة واللغز كان اكبر من الفطنة ولا شيئ بيقدر يعيني انا كنت حاسك مني ومقدرتش اعرف انا كنت فين منك قولتيلي يوم حبك مش زي حبي قولتيلي يوم حبك بجد حبك مش زي حبي لحد قولتيلي يوم انت ما انتاش أي حد طب كنت اعمل ايه علشان اكون أي حد؟ واحط حد لأي حد يخطر ببالك فضلت مصلوب قبالك طب ليه أنا مقدرتش انسي وانت يمكن مفكرتيش في يوم كلمة واحدة مقولتيهاش قدام قصايد كتير كتبتهالك بدمي ورق غرقان دموع وليل مليان وجع وحيطان بتصرخ فيا ارحمني مبقتش قادرة استحمل بصتك فيا انا كنت حيطة من اللي بيضربو بيها المثل لابال ولا بلبال خلتني ليه انطق واحس وشغلتلي فكري حرزك وجع صدري شيل بقي حروفك من علي كتافي مبقتش قادرة غير مهاتشيلهم مبقتش قادر غير مهاتشيل هم قلبي قلبي يا حيطة تقل جدا علي روحي شليه شوية قالتي ارحمني قلبك ملاني دم وعينيك ولا بتنسي المسني لمسة من غير ما حس بهم المسني لمسة من غير ما حس بألم المسني لمسة واكتب حروف تانين المسني لمسة واكتب حروف مش بتقسي طب ليه تلاتة مش اربعة أو خمسة حرزك وجع راسي وطلسمك مفهمتهوش يعني ايه ميم كبيرة قد عين الشمس وانت قلبك بيتعصر كل يوم مالبرد قدامي ورعشتك شققت جسمي نستني أسمي من كتر ما كتبت اسمها علي قلبي حاول تخبي وخلي عندك دم اسفة انا كنت بضحك معاك ما انا لسة قايلة ان دمك مليني سامحني لا تهتم الهاء هانعمل ايه دلوقت ها نعمل ايه والوقت راح ضيق عليا البراح الهاء هانت عليها السنين هانت عليها الليالي هانت عليها لهفتك وانت مستني شوقك وصبر العمر والعمر راح هانت عليها ومشيت مسبتش غير الجراح مسبتش غير ورداية وكتاب وحبة ورق وذكريات مالية الشوارع والجناين والقهاوي ومية النيل حتى اصحابك الميتين بيسألوك عنها لما يزوروك في الحلم بس انت برضه فضلت مستني لا في يوم مشيت ولا يوم نسيت ولا مرة خنت بقيت ألف أول حروف الكلام وأخرها بقيت ألف كانت بداية العمر ونهايته مشيت وفضلت زي ما هي وانت اللي هنت مشيت وفضلت زي ما هي وكأنها كل شيئ وأنت كأنك ما كنت
بحث
نتيجة
«  مارس 2024  »
إثثأرخجسأح
    123
45678910
11121314151617
18192021222324
25262728293031

Copyright MyCorp © 2024