حلم
مين اللي قال للرملة تطرح ورد
عشان مايضيع روحي في الصحرا ؟
مين اللي قال لليل يخلف قمر
عشان ما يفضح دمي عل الأسفلت ؟
مين اللي دل عنيها علي صوتي
لحظة ما كانت رعشتي بتضحك ؟
مين اللي قالك تفتح الشباك ؟
مش كنت قاعد مستخبي في خيالك
النجمة لسة بعيد كما هي
والبحر لسه غويط وبشط واحد
لا النجم يقدر ينزل الميه
ولا في سلالم ما بين خطوتك والسما
مين اللي قالك تفتح الشباك ؟
مش كنت قاعد ملتحف يأسك
حاسب يا طير الأمل
حاسب علي نفسك
سنابل الحلم طارحه ..
لكن كل الغيطان مصايد
مين اللي قالك بص ع الدنيا ؟
هو انت قلبك حمل تكشيرة
عشمان دفا؟
أديك حتموت بضربة شمس
عشمان ضيا؟
روح اتحرق في عنيها
مين اللي قالك تفتح الشباك؟
الريح دخل بعتر حروف الكلام
الريح دخل بعتر مشاعرك ع الحيطان
ايه اللي تحت ايدك ده ؟
أمل ولا جرح جديد
إيه اللي بالل قميصك ؟
ندي ولا دم
اقفل الشباك وخش
ارجع لكرسيك القديم
اقعد وربع ايديك
الدنيا دي مش بتاعتك
اطلع علي سريرك وحاول تنام
بس ارجوك حاسب من الاحلام
سيب قلبك المسكين يهدا
واسكت عشان الوجع مايزيدش
غمض عنيك
و ريح دماغك
كلها حبتين
وكل شئ
ينتهي
ـــــــــــــــــــــــــــــ
ناصر البدري
القاهرة 2001
Facebook شارع العامية 19/11/2010
عشان مايضيع روحي في الصحرا ؟
مين اللي قال لليل يخلف قمر
عشان ما يفضح دمي عل الأسفلت ؟
مين اللي دل عنيها علي صوتي
لحظة ما كانت رعشتي بتضحك ؟
مين اللي قالك تفتح الشباك ؟
مش كنت قاعد مستخبي في خيالك
النجمة لسة بعيد كما هي
والبحر لسه غويط وبشط واحد
لا النجم يقدر ينزل الميه
ولا في سلالم ما بين خطوتك والسما
مين اللي قالك تفتح الشباك ؟
مش كنت قاعد ملتحف يأسك
حاسب يا طير الأمل
حاسب علي نفسك
سنابل الحلم طارحه ..
لكن كل الغيطان مصايد
مين اللي قالك بص ع الدنيا ؟
هو انت قلبك حمل تكشيرة
عشمان دفا؟
أديك حتموت بضربة شمس
عشمان ضيا؟
روح اتحرق في عنيها
مين اللي قالك تفتح الشباك؟
الريح دخل بعتر حروف الكلام
الريح دخل بعتر مشاعرك ع الحيطان
ايه اللي تحت ايدك ده ؟
أمل ولا جرح جديد
إيه اللي بالل قميصك ؟
ندي ولا دم
اقفل الشباك وخش
ارجع لكرسيك القديم
اقعد وربع ايديك
الدنيا دي مش بتاعتك
اطلع علي سريرك وحاول تنام
بس ارجوك حاسب من الاحلام
سيب قلبك المسكين يهدا
واسكت عشان الوجع مايزيدش
غمض عنيك
و ريح دماغك
كلها حبتين
وكل شئ
ينتهي
ـــــــــــــــــــــــــــــ
ناصر البدري
القاهرة 2001
Facebook شارع العامية 19/11/2010
