الأوبرا
الأوبرا هي الأوبرا
مكان قديم للذكريات الجميلة المؤلمة
مكان بيفتح لروحك كل يوم
مساحة جديدة من الأمل
ومن التوتر
الأوبرا هي الأوبرا
مش هي دي الحتة إلي قدام الهناجر
مطرح ماكان الأصدقاء بيغرقوا النجيلة
بالقصايد
ويعبئوا المكان
بريحة الغنا والضحك
وانت قاعد مستخبي في سكوتك
وبتداري من عنيها رغبتك في في البوح
وبتستغل البرد
عشان تخبي رعشتك من جوه
مش هي دي الشجرة اللي كنت واقف جنبها
لحظة ماكنت بتغرز حبتين العشق في عنيها
فمنبتوش غير جواك لوحدك
***
الأوبرا هي الأوبرا
وصلاح عبد الصبور
مش مهم النهاردة علي الأقل
وعدلي رزق الله مفروض ميتكلمش
ويخرج يشوف المشهد المرسوم فوق كوبري قصر النيل
يمكن يغير فكرته عن الطبيعة
وفلسفته مع الالوان
سيبك من كلام مكاوي عن روح الفكاهة اللي بتغلف الحزن في عنين عبصبور العميقة
وعن علاقة المسكن
واخرج استعجل حبيبتك
علشان تجيبلك حبتين الفرح
اللي انت جي مخصوص عشانهم
***
الأوبرا هي الأوبرا
مساء الخير يامحمد ياعبد الوهاب
أنت لسه قاعد مكانك علي الكرسي
مش قالوا إنك متت
مش مشكلة
المهم سلملي علي الست اللي قدامك
وقلي لو سمحت ألاقي فين كابينة التليفون
***
مرة واحدة
الأوبرا مبقتش هي الأوبرا
مال شكلك أصبح كئيب فجأة
أنا يمكن مخشكيش تاني
لأول مرة اشعر بإن كلمة هناجر
مفردة مستفزة
وملهاش أي معني
الأوبرا مبقتش هي الأوبرا
أصبحت مكان جديد للقلق
ومصدر جديد للخوف
وانت يامحمد ياعبد الوهاب
إياك تتحرك من علي كرسيك
علشان لو قابلتك مرة تانية في أي حتة
حقولك بمنتهي الوضوح والصراحة
ومعرفش ليه
اني مبحبكش
أما انت ياعم سعد
إزاي وانت راجل كبير
وكنت زعيم كبير
تخدعني
أنا يمكن أصدق كلام الولاد الشيوعيين عليك
مش كنت لسه من شوية رافعلي إيدك
وبتشاورلي علشان أمد شوية
وانا جي بنهج من أول الكوبري
مش قولتلك تخلي بالك عليها
لحد موصلك
هو انت كمان حتستغل الحلم اللي جوايا
عشان تسلي وقفتك بيا
***
الأوبرا مبقتش هي الأوبرا
إيه اللي غير شكل الكون كدا مرة واحدة
الحزن اللي جواك هو اللي طفي النور علي الكوبري
ونزف من عروقك
فغرق الكورنيش سواد
ونزل من حديد السور
عشان يغطي الفرحة
في وش النيل
هو إيه اللي خلي السما اللي كانت من شوية صغيرة
مزروعة خضرة وبرتقان
تتحول لبير غويط ملوش أخر
و اللي خلي المراكب اللي كانت من شوية صغيرة
بترقص في وسط المية
بقت حزينة وقاعدة جنب الشط
وبطلت زغاريد
***
الأوبرا مبقتش هي الأوبرا
مشهد العشاق علي الكورنيش
وانت جي من نص ساعة
مش كان بيفتح جوه عتمة وحدتك
شباك علي الدنيا
ويخلق فيك مساحة من التوحد
إزاي بيتحول بشكل مفاجئ كدا
لصورة في كاريكاتير
بيسخر من مشاعرك
ويحسسك بالفقد
***
الأوبرا مبقتش هي الأوبرا
وادي سميراميس بيرجع تاني لطبيعته
مكان عدواني
بيمارس سطوته علنهر
علي جامعة الدول اللي ماتت مكانها
عل الذكريات القديمة جنب المرديان
علي شارع سيمون بوليفار
ومشهد التحرير
بعد ما كان لمرة واحدة في تاريخه
من نص ساعة
مكان مسالم
الأوبرا مبقتش هي الأوبرا
هي السباع دي واقفة بتحرس مين
لما هي مجتش
الأوبرا مبقتش هي الأوبرا
ميدان التحرير مرة تانية
كان نفسي مرة أعبرك
من غير شعور بالأسى
واسلم علي جدودي في المتحف المصري
واطمنهم عليا
لكن مفيش فايدة
أديك بتوصل بنفس الحالة
لنفس المكان
اللي بيحدفك للقبر
القبر اللي مستنيك من زمان
لكن تفتكر إيه اللي راح يقتلك
أسرع الكره
ولا التجاهل
مكان قديم للذكريات الجميلة المؤلمة
مكان بيفتح لروحك كل يوم
مساحة جديدة من الأمل
ومن التوتر
الأوبرا هي الأوبرا
مش هي دي الحتة إلي قدام الهناجر
مطرح ماكان الأصدقاء بيغرقوا النجيلة
بالقصايد
ويعبئوا المكان
بريحة الغنا والضحك
وانت قاعد مستخبي في سكوتك
وبتداري من عنيها رغبتك في في البوح
وبتستغل البرد
عشان تخبي رعشتك من جوه
مش هي دي الشجرة اللي كنت واقف جنبها
لحظة ماكنت بتغرز حبتين العشق في عنيها
فمنبتوش غير جواك لوحدك
***
الأوبرا هي الأوبرا
وصلاح عبد الصبور
مش مهم النهاردة علي الأقل
وعدلي رزق الله مفروض ميتكلمش
ويخرج يشوف المشهد المرسوم فوق كوبري قصر النيل
يمكن يغير فكرته عن الطبيعة
وفلسفته مع الالوان
سيبك من كلام مكاوي عن روح الفكاهة اللي بتغلف الحزن في عنين عبصبور العميقة
وعن علاقة المسكن
واخرج استعجل حبيبتك
علشان تجيبلك حبتين الفرح
اللي انت جي مخصوص عشانهم
***
الأوبرا هي الأوبرا
مساء الخير يامحمد ياعبد الوهاب
أنت لسه قاعد مكانك علي الكرسي
مش قالوا إنك متت
مش مشكلة
المهم سلملي علي الست اللي قدامك
وقلي لو سمحت ألاقي فين كابينة التليفون
***
مرة واحدة
الأوبرا مبقتش هي الأوبرا
مال شكلك أصبح كئيب فجأة
أنا يمكن مخشكيش تاني
لأول مرة اشعر بإن كلمة هناجر
مفردة مستفزة
وملهاش أي معني
الأوبرا مبقتش هي الأوبرا
أصبحت مكان جديد للقلق
ومصدر جديد للخوف
وانت يامحمد ياعبد الوهاب
إياك تتحرك من علي كرسيك
علشان لو قابلتك مرة تانية في أي حتة
حقولك بمنتهي الوضوح والصراحة
ومعرفش ليه
اني مبحبكش
أما انت ياعم سعد
إزاي وانت راجل كبير
وكنت زعيم كبير
تخدعني
أنا يمكن أصدق كلام الولاد الشيوعيين عليك
مش كنت لسه من شوية رافعلي إيدك
وبتشاورلي علشان أمد شوية
وانا جي بنهج من أول الكوبري
مش قولتلك تخلي بالك عليها
لحد موصلك
هو انت كمان حتستغل الحلم اللي جوايا
عشان تسلي وقفتك بيا
***
الأوبرا مبقتش هي الأوبرا
إيه اللي غير شكل الكون كدا مرة واحدة
الحزن اللي جواك هو اللي طفي النور علي الكوبري
ونزف من عروقك
فغرق الكورنيش سواد
ونزل من حديد السور
عشان يغطي الفرحة
في وش النيل
هو إيه اللي خلي السما اللي كانت من شوية صغيرة
مزروعة خضرة وبرتقان
تتحول لبير غويط ملوش أخر
و اللي خلي المراكب اللي كانت من شوية صغيرة
بترقص في وسط المية
بقت حزينة وقاعدة جنب الشط
وبطلت زغاريد
***
الأوبرا مبقتش هي الأوبرا
مشهد العشاق علي الكورنيش
وانت جي من نص ساعة
مش كان بيفتح جوه عتمة وحدتك
شباك علي الدنيا
ويخلق فيك مساحة من التوحد
إزاي بيتحول بشكل مفاجئ كدا
لصورة في كاريكاتير
بيسخر من مشاعرك
ويحسسك بالفقد
***
الأوبرا مبقتش هي الأوبرا
وادي سميراميس بيرجع تاني لطبيعته
مكان عدواني
بيمارس سطوته علنهر
علي جامعة الدول اللي ماتت مكانها
عل الذكريات القديمة جنب المرديان
علي شارع سيمون بوليفار
ومشهد التحرير
بعد ما كان لمرة واحدة في تاريخه
من نص ساعة
مكان مسالم
الأوبرا مبقتش هي الأوبرا
هي السباع دي واقفة بتحرس مين
لما هي مجتش
الأوبرا مبقتش هي الأوبرا
ميدان التحرير مرة تانية
كان نفسي مرة أعبرك
من غير شعور بالأسى
واسلم علي جدودي في المتحف المصري
واطمنهم عليا
لكن مفيش فايدة
أديك بتوصل بنفس الحالة
لنفس المكان
اللي بيحدفك للقبر
القبر اللي مستنيك من زمان
لكن تفتكر إيه اللي راح يقتلك
أسرع الكره
ولا التجاهل
